Jammu, November 17 : Officials khan para koisey, Friday din te Jammu and Kashmir laga Rajouri district te atangwadi aro security forces khan laga ekta joint team majotey encounter huwa te ekjun atangwadi murijaisey.
Etu encounter tu phujur fale Jammu and Kashmir laga Budhal tehsil laga Guller-Behrote area te army, police aro CRPF laga ekta joint team para ekta Cordon (aha juwa kuribole nidiya) aro search operation kora homoitey olaisey.
Etu operation tu utu area te, kiba shaak huwa laga kaam chuli thaka laga khufiya jankari pa picheyte suru kurisey.
Etu picheyte huwa guli mara mari te ekjun atangwadi murijaisey koikina ekjun senior officer para PTI ke koisey.
Tai para koisey ki enocounter tu etya chuli asey.
Rahul Gandhi laga against te defamation case kora BJP MLA dangor post paisey
New Delhi, November 17 : Bharatiya Janata Party (BJP) para Friday din te BJP MLA Purnesh Modi ke Dadra Nagar Haveli aro Daman laga state-in-charge banaidisey. Purmesh Modi tu utu BJP MLA asey kun para defamation(manu laga naam botnam kora) case te Congress leader Rahul Gandhi ke doshi banaidisey.
Etu 58 years laga BJP leader tu 3 bar MLA hoisey aro tai tu South Gujarat te, BJP laga OBC community laga face asey. Tai tu ekta lawyer asey.
BJP MLA Purnesh Modi tu 2013 te first time ekta by poll election te Surat West laga seat jitisey aro etu ekey seat te 2017 te bi wapas elect hoisey. Tai laga sobsey akhri jeet tu 1 lakh opor vote paikina hoisey.
2021 te, taikey Guarat te Bhpendra Patel laga first sarkar te cabinet minister appoint hoisey aro taikey transport, civil aviation, tourism aro pilgrimage develop kuribole laga portfolio assign kurisey. Tai para cabinet te gusa tu bisi manu para asurit kuridiya laga kadam nisna dikhey.
Purnesh Modi laga 2019 petition para Congress leader Rahul Gandhi ke ekta criminal discrimination case te doshi banaisey aro etu nimitey Rahul Gandhi MP post para disqualify hoijaisey,
Etu case tu Rahul Gandhi laga khilaf te tai para “kinaka kurikina sob chor khan laga surname Modi asey” koikina kuwa nimitey file kurisiley. Purnesh Modi laga petition te enaka dawa kurisey ki Congress leader Rahul Gandhi para pura Modi community ke botnam kurisey. Rahul Gandhi laga aginst te etu case kora para Purnesh ke desh laga spotlight te loijaisey.
Dushyat Patel para Purnesh Modi ke Dadra Nagar Haveli and Daman te state co-in-charge appoint kurisey.
Add Comment