New Delhi, November 19, 2023: Israel, United States aro Hamas kan ekta agreement deh punchi jai shae. Etu deal deh Hamas kan para maike aro bacha kan kuto Gaza deh hostage ase, taikan keh release kuri bo aro etu laka puthli Israel para pas din karne war tho rukai dibo. Etu report tho Washington Post para di shae.
Choitha page laka detailed agreement deh sob parties kom seh kom pas din karne combat operations kan rukai dibo. Aro etu laka putli every 24 hours 50 nahoi leh b etu laka upor hostages kan keh release kuri bo chutu chutu group deh.
Hamas kan para October 7 laka hamla time deh 240 nishi nah hostages kan lui shae aro 1,200 nsihi nah manu keh murai di shae. Newspaper para pause tho sabo leh motot kuri bo karne overhead surveillance para ground movement monitor kuri bo kui shae.
White House aro Israeli prime minister laka official para b eku comment kura nai etu agreement deh. Manu kan kun etu agreement laka kotha kan olop jane taikan laka isap deh etu hostage release tho aha din deh shuru hubo pareh kui shae.
Alak kobor deh Israeli army kan para soldier kan Gaza Strip deh fight kura time deh aro teetha soldier kan muri jai shae kui shae. Palestinian laka side deh 15 manu muri shae kui shae Israel kan central aro southern Gaza deh bomb gira time deh, etu report tho Palestinian media para kui shae. report laka isap deh 13 manu tho central Gaza laka Nuseirat camp deh muri shae aro ekta maike aro taila bacha southern Khan Younis City deh muri shae kui shae.
Add Comment