Rajouri, November 22 : Wednesday din te Jammu and Kashmir laga Rajouri district te, security forces aro atangwadi khan laga majotey encounter huwa te duijun Army murijaisey.
Police para kuwa hisap te, etu encounter tu Rajouri district laga Dharmsal jaga laga Bajimaal area te Army aro Jammu and Kashmir police laga joint forces aro atangwadi khan laga majotey olaisey. Aro etu tu Army aro Jammu and Kashmir police para utu area ke ghera aro talashi luwa picheyte kora laga asey.
Official khan para koisey ki guli mara mari huwa homoitey, ekjun officer aro ekjun sipahi laga jaan jaisey. Ekjun officer tu jokhom khaisey aro taikey hospital te shift kuridisey.
Juwa hapta laga Friday din te, security forces khan para south Kashmir laga Kulgam district tee u saal laga kta sobsey kara guli mara mari huwa te 5jun Lashkar-e-Taiba (LeT) atangwadi ke moraidisey.
Officials khan para kuwa hisap te, etu Lahkar-e-Taiba (LeT) atangwadi khan tu etu saal first fale andit aro dusra jaga para ahikina kaam kora manu khan ke hamla kora te shamil thakisey.
Sob 5jun murija atangwadi kun laga naam Sameer Ahmad Sheikh, Danish Hameed Thokar, Ubaid Padder aro Hanzla Shah aro Yasir Bhatt tu tatey laga local manu thakisey.
Etu Kulgam operation tu Lashkar-e-Taiba (LeT) laga 5jun atangwadi ke October 26 te Line of Control (LoC) fale moraidikina ek hapta huwa picheyte hoisey. September moina te, security forces khan para Ananthang te thaka Garol jag ate atangwadi khan logotey ek hapta para opor larayi kurisey. Etu operation te, duijun officer, ekjun sipahi aro ekjun deputy superintendent of police murisey. Etu encounter tu September 19 te khotom hoisey, duijun atangwadi including LeT commander Uzair Khan ke guli mari diya picheyte.
Add Comment