Senior BJP leader B S Yediyurappa para Wednesday din te Congress para Karnataka laga manu khan ke takat te aha picheyte naha ageyte kha 5ta kosom pura nukurikina thoga laga iljam lagaisey. Etu poila laga Karnataka CM para Telangana laga manu khan ke Congress party laga misa aro khali kosom nimitey nigiribole koisey.
Tatey laga reporter khan ke address kurikina tai para koisey dusra rajya khan te Karnataka model tu Congress election model asey. Congress para Karnataka te voter khan ke 5ta guarantee dibole kosom khaisey. Taikhan para Telangana te “Karnataka model” bikri kuei asey aro alag voting hobole tahka rajya ke bi bikri kuri asey.”
Tai para etu bi koisey, “Etu party para election jita picheyte, Karnataka te manu khan ke thogaisey kilemaney taikhan laga sarkar para guarantee scheme khan lagu kuribole nakamyab hoisey.”
Tai para koisey, “Congress manifesto(election jitisey koile ki kuribo etu kuwa) te 6ta guarantee scheme shamil asey aro etu khan tu rajya laga voter khan ke thogabole nimitey hey asey. Ami para, Telangana laga manu khan ke Congress party laga misa aro khali kosom para thoga nakhabole request kuri asey.”
Add Comment