Imphal, December 4 : Manipur police para tinjun manu kegiraftar kurishey. Etu manu khan para social media platform, Facebook te galat news dhala karney 24 ghonta bhitor te Imphal West aro Imphal East districts laga alag alag jaga para durishey.
Etu arrest kura tu state police para public khan ke galat news nohoiley / khobor nadhaliboley karney asey koikina janaidishey aro taikhan para rajya te shanti hoikina thaka nyom aro kanoon laga beybosta tey disturb ana khan laga against te ekdam strict kanooni action lobo koikina janaisey.
Imphal East district police para MoirangthenSanjit (37) kun Brahmapur Bheigyabati Leikai Porompat police station laga under te bohey taikey social media platform facebook tey misa misi news dhala karney dhurisey.
Police laga report hisap te olop din agey te Boe Moirangcha koikina ekta facebook page para Facebook te ekta post upload kurisey kuntu tu galat khobor spread kuribol, sob manu ke bhoi khilaidibole aro alag alag jati majotey jhagra aro ghing lagiya laga mon banaidibole laga irada para kora thakisey.
Police khan para etu jati majotey nimilikina thaka aro galat khobor phatoboley kosis kura khan ke dhuriboley kamyab hoisey kun khan social media te galat khobor dhala aro jati majotey shanti bhangabole kosis kurisey.
Etu arrested kura manu khan ke alak alak court te pathabole ageyte kanooni custody te rakhisey.
Add Comment