December 5, 2023: 2008 laka Iron Man deh Robert Downey Jr para Tony Stark laka role lua tho dunia laka fans kan pura khe kushi kuri di shae. Hoile b Kevin para tai tho Marvel Cinematic Universe deh wapas nahi bo kui nah confirm kuri shae. Vanity Fair laka interview deh, Marvel Studios laka President para original Avengers kan aha future deh wapas ahi bo laka rumors kan laka kotha kuri shae.
Kevin Feige Vanity Fair lokot kotha kura time deh Tony Stark laka final emotional moments kan deh kotha kuri taki shae aro tai para etu kui shae, “Mukan utu moment tho rakhi bo aro utu moment tho kita b nachu bo. Mukan etu pabo karne bishi sal karne kam kuri shae aro mukan etu kiia b wapas lubo leh mun nai.”
Robert Dowey Jr. taila 10 films deh Tony Stark/Iron Man laka role karne global recognition pai shae Marvel Cinematic Universe laka pitor deh. Iron Man (2008) para shuru kuri nah Avengers:Endgame (2019) tak. Etu sal agae deh director Jon Favreau para actor tho alak etu character play kuri bole interest deh ase kui shae.
Alak side deh, Robert laka last movie tho Christopher Nolan laka Oppenheimer deh taki shae kuto etu sal laka sobse dangor blockbuster ase. Actor tho Lewis Strauss laka role play kuri shae aro actor tho itia para heh award season laka attention kan pai ase.
Add Comment