Imphal, December 5: Economic halat ke bhal kuribole laga kosis te Chief Minister N Biren Singh para chola sarkar para dry Manipur te bisi alag alag Civil Social Organisation aro gairkanooni group khan laga taraf para kra protest kora laga bawajut bi saal te Rs 600 crore poisa kamabole nimitey mana thaka laga kanoon tu hataidibole nimitey eman hectic kosis kurisey.
Manipur cabinet Chief Minister N Biren Singh para Monday rati te chair te etu manu khan para eman behes kurithaka mudu laga legalisation(kanooni bana) ke approve kurisey kuntu nimitey Tuesday din te thik thak gazette notification publish hobole asey. Etu khobor tu CM logotey close thaka sources para Tuesday din te publish kurisey.
Etu cabinet para Manipur Excise (Amendment) Rules, 2023 ke bi approve kurisey kuntu toh mudu produce kora, bana, luwa, dusra jaga para ana, dusra jag ate patha, ana loija kora, kina, bikri kora aro kha ke legalize(kanoon lagan ajar te sahi) kuribole nimitey asey.
Rajya laga cabinet para jaali mudu khabole para rokhabole nimitey mudu laga production ke regulate kuribole laga dorkar ke approve kora tu etu second bar asey.
September 20, 2022 te bi state cabinet para mudu ke legal banaidibole izazat disiley.
Manipur te mudu mana thaka tu 1 April 1991 te gairkanooni organization People’s Liberation Army (PLA) para pura puri ban kora picheyte RK Ranbir Singh para lagu kurisiley.
Etu ke bisi alag alag CSOs khan para support kurisiley kuntu te Coalition Against Drugs & Alcohol (CADA) aro All Manipur Women Social Reformation & Development Samaj (Nupi Samaj) bi shamil thaksiey.
Protest kora manu khan para “Manipur te mudu ke legal kora tu monjur nai”. “cabinet laga faisla withdraw kuribi” aro “Cabinet laga faisla withdraw kuribi” koikina likhikina thaka placard khan cholaisey.
