December 6, 2023: Blackpink kan YG Entertainment lokot taikan laka contract tho extend kuri di shae. Taikan etu kuri nah group tho break up hobo leh ase kui nah rumors kan pura kotom kuri di shae. Popular K-pop group Blackpink laka management company YG Enterntainment para December 6 deh ekta official announcement banai shae. Company para taikan members lokot kotha kuri shae kui shae aro group tho taikan laka contract pitor deh shine kuri taki bo kui shae.
Statement deh, label kuto Bigbang aro BABYMONSTER keh back kureh, taikan para etu kui shae,” Blackpink laka chartha members lokot deh exclusive group contract sign kuri bole agreement deh ahi shae kui shae mukan announce kuri bole kushi deh ase.” Blackpink, taikan world music market deh aro shine kuri bole taikan laka best di taki bo K-pop keh represent kuri nah. Aor mukan taikan laka action keh support aro faith di taki bo.”
Taikan laka agae laka contracts kan tho August deh expire hui shae aro etu hua piche deh taikan YG Entertainment lokot kotha kura shuru hui shae. Taikan group activities tho kuri taki bo kui nag decide kuri lui shae hoile b K-Media sources laka isap deh individual contracts kan karne itia b kotha kuri ase member kan lokot.
Group tho contract renew kuri shae kui nah kobor aha tho taikan laka declining stock 20% uthi jai shae. Blinks kan tho internet deh over heh kushi deh taki shae aro celebrate kuri taki shae.
Add Comment