Guwahati, December 19 : Assam laga Guwahati seher te, Tuesday din te police para komsikom 3jun manu ke United Liberation Front of Asom-Independent (ULFA-I) logotey link thaka laga iljam te arrest kurisey.
Reports hisap te, etu mujrim khan ke Guwahati seher laga Maligaon area para arrest kurisey.
Ekta police source para koisey ki taikhan logotey Maligaon laga BBC Colony te 3jun suspect thaka manu mojud thaka laga khufiya jankari paisey.
Khufiya jankari pa hisap te, police para talashi suru kuridisey aro etu 3jun manu ke paisey.
Etu 3jun manu ke ekta pistol aro olop guli khan logotey paisey.
Etu 3jun manu laga naam tu Asim Adhikari, Moon Debnath aro Rupjyoti Das thakisey.
Arrest huwa manu majotey, Asim Adhikari ke ULFA-I laga close sathi huwa laga doshi manisey.
Tai tu Guwahati te bisi moina para buhi asey aro tai tu computer operator asey koikina dawa kuri asey.
Tai laga opor te manu khan ke ULFA-I te gusaidiya te shamil thaka laga iljam bi lagikina asey.
Etu 3jun laga ULFA-I logotey link thaka mamla te investigation suru kuridisey.
Add Comment