Imphal, December 27 : Manipur laga manu khan laga dukh diktar khan laga haal ola laga process ke smooth kuribole nimitey ekta jaruri kadam utha te December 27 te ekta online portal launch kurisey.
Manipur Information Comission para Supreme Court of India para direction diya tu manikina 2nd Appeal aro Complaint case laga online filing (e-filing) nimitey subidha available kuridisey.
Etu subidha laga laab uthabole nimitey complaint nohoilebi appeal kora manu khan para online te www.eservicesmanipur.gov.in . te visit kuribo parey.
Etu portal tu Chief Information Comissioner Koijam Radhashyam para launch kurisiley.
Etu portal para sabit kuri asey ki public laga bhalayi nimitey sarkar para technology laga istamal kora tu barabole nimitey kaam kuri asey.
Etu online portal para rajya laga manu khan ke taikhan laga complaint tu Consumer Commissions nohoilebi court khan te jabole nalagikina online para kuribole ijajat di asey.
Etu portal para khali online te complaint file kuribole laga subidha diya hey nohoikina appeal aro complaint khan tu duita tarika(online aro office nohoilebi court te jaikina) para kuribole izazat di asey.
Add Comment