Guwahati, December 28 : December 29 laga 5pm te New Delhi te ekta settlement laga agreement sign kuribole asey. Etu etihasik agreement tu India laga sarkar, Assam laga sarkar aro United Liberation Front of Assam (ULFA) laga representative laga majotey hobole asey aro etu tu bisi lamba homoi para chuli thaka problem ke thik kuribole nimitey utha ekta jaruri kadam asey.
Etu yaad rakhibole laga occasion announce kurikina, Assam laga sarkar para December 28 te X(Twitter) te koisey ki etu agreement sign kora ceremony tey Uinion Home Minister & Minster of Cooperation Sh. Amit Sha mojud thakibole asey. Etu ceremony ke Assam laga Chief Minister Himanta Biswa Sarma aro ULFA-I laga pro-talks faction laga ek dozen opor top leader khan bi attend kuribole asey. ULFA laga top leader khan ke Arabinda Rajkhowa para lead kuribole asey.
Etu shaty laga agreement te Assam laga bisi alag alag rajneetik, economic aro samajik mamla khan ke thik kuribole laga aim para kora asey. Etu opor te, etu agreement te Assam laga indigeneous manu khan laga bhalayi nimitey culture ke bachaikina rakhibole aro zameen laga rights laga provision khan bi shamil asey.
Hoilebi Paresh Baruah para chola ULFA laga hardline gaction(hisa) tu etu agreement laga hisa nohobo. Kilemaney taikhan para bar bar sakar para shanty laga agreement kuribole offer kora tu reject kurisey. Rajkhowa faction laga dangor leader Anu Chetia aro Sashdhar Choudhary tu juwa hapta sarkari baat chit kora manu logotey akhri faisla lobole New Delhi te jaikina thakisey..
Add Comment