Shillong, January 4 : Bharatiya Nyaya Sanhita (BNS) laga khilf te protest kurithaka tu jari rakhikina Meghalaya laga tourist taxi khan tu January 5 te suru kurikina 48 ghonta strike kuribole announce kurisey.
Etu strike tu pura desh te lagu hobole baki thaka Bharatiya Nyaya Sanhita (BNS) laga khilaf te protest kora laga ekta hisa asey.
Etu strike tu Friday laga phujur 5 am para suru hobo aro 48 ghonta nimitey chulibo.
Meghalaya te huwa protest tu tatey laga laga bisi alag alag taxi aro transport association khan logotey milikina kora laga asey.
Khasi Hills Tourist Taxi Association laga general secretary Bhaskar Deb para koisey ki etu nyom laga against te protest kuribole nimitey sob taxi khan tu rasta te nathakibo lagey.
Tai para koisey ki judi sarkar para driver khan ke accident huwa nimitey jail te dhalibole laga kanoon anisey koiley kun driver bi gari cholabole mon najabo.
Manna Sangma koikina ekjun taxi driver para koisey ki etu nyom tu accident komabole aro gari marikina polaija case te manu khan ke nyay dilabole nimitey jaruri asey hoilebi enaka mamla khan te driver khan ke bachabole napara hoijabo.
Tai para koisey ki bisi bhak accident huwa homoitey manu khan para khali passenger bukha gari driver khan ke hey iljam lagai.
Tai para enaka koisey, “By chance amikhan accident hoisey koiley kun para bi amikhan laga side noloi. Amikhan gorib huwa nimitey, bisi manu khan tu amikhan ke maribole nimitey polaikina ahey.”
Meghalaya logotey, Northeast laga alag rajya laga passenger bukha gari khan January 6 te strike kuribole asey.
Add Comment