Imphal, 6 January : Imphal dey Manipur Press Club (MPC) laga Media Resource Centre khulia piche dey, Governor Anusuiya Uikey para views aro ideas exchange kurishey kaam kuria journalist khan logot Saturday dey.
Agey dey, Manipur Press Club (MPC) dey pahunjia piche dey, itu Governor para ekta wreath lagaishey Journalists’ Memorial Pillar dey aro Manipur Press Colony laga foundation stone lagaishey.
Tai para MPC laga Media Resource Centre bhi khulishey.
MPC laga 49th Foundation Day celebration dey khota kuina kuntu Saturday dey thakishey, Imphal dey, itu Governor kuishey ki Foundation Day toh ekta occasion asey celebration aro self-assessment karney.
Itu governor para Rs. 1 lakh puisa donate kurishey Manipur Press Club laga development karney.
Itu occasion para ekta opportunity bhi di asey sob members ke eki logot ahiwoley, ideas exchange kuriboley, past activities dey reflect kuriboley aro future karney possibilities aro challenges upar dey khota kuwoley.
Tai kuishey ki itu toh ekta khushi laga pal asey ki MPC toh eki logot literacy aro media literacy promote kuri asey society dey.
Jania nishna ki media toh democracy laga fourth pillar kuina janey, itu media toh bishi dangor respect paishey aro itu karoney media laga responsibility bhi bishi uthishey.
Bijoy Kakchingtabam, All Manipur Working Journalists Union laga president, Khogendra Khomdram, Editor’s Guild Manipur laga President, Director of Information aro Public Relations, Dr Th. Charanjeet Singh, MPC laga former office bearers aro journalists khan itu programme dey attend kurishey.
Add Comment