Guwahati, January 08 : Assam laga Karbi Anglong district te pura puri development anibole nimitey ekta yaad kuribole laga kadam utha te, Assam laga Chief Minister Himanta Biswa Sarma para Jnauary 8 te bisi bodli anidibole laga project inaugurate aro dedicate kurisey. Aro etu pahari district te development anibole laga commitment ke majboot kurisey.
Etu inauguration ceremony te bisi alag alag jaruri project khan unveil kora dikhibo parisey. Chief Minister aro tatey laga local dangor manu khan para etu jaga laga progress aro kamyabi nimitey ekta vision present kurisey.
Yaad rakhibole laga initiative majotey, Taralangso laga Kajir Ronghangpi Guest House asey kuntu tu Rs 5.56 crore poisa investment kurikina modern facility logotey banaisey. Ekdam daami 3,000 seat thaka Sertalin Auditorium kuntu te Rs 35 crore poisa invest kurisey. Etu auditorium tu etu district laga cultural hub hobole asey. Etu picheyte asey, Taralangso jaga laga ‘Langkung Fang’ fishery ke sundur bana nohoilebi modify kora kuntu te Rs 2.55 crore poisa shamila sey.
Rs 5.50 crore para bana Rangsina Sarpo Ahongjai Permanent Open Stage tu Karbi Anglong laga vibrant artistic heritage laga ekta sabut asey. Etu project laga maksat tu tatey laga local kalakar aro performer khan ke taikhan laga talent dikhabole laga ekta platform dibole aim kuri asey.
Etu opor te Rs 2 crore poisa invest kurikina ‘Kuleng Abi’ fishery modify kurisey. Rs 6.86 crore para Karbi Capital Complex te Rongbong Artu banaisey.
Karbi People’s Hall ke Rs 3.77 crore para modify kurisey. Etu opor te, Rs 4.22 crore laga budget para Cheleng Athepai laga construction kurisey
Rs 99 lakh laga investment logotey Sing Mirjeng VIP Gallery banaisey kuntu para alaga lag events aro gathering nimitey ekta alag jaga diye.Rongkhelan te Rs 10 crore invest kurikina New Market Complex banaisey. Kuntu tu rajya laga economy ke araboley modod kuribo.
Karbi Anglong laga sports khusi pa manu khan tu Sarsing Teron-Langkung Habe Multi-purpose Sports Complex logotey khusi pabole laga karon asey. Etu nimitey Rs 75 crore poisa invest kurisey. Rs 12 crore para Song Bey Inter State Bus Terminus banaisey aro Rs 5 crore para Truck Terminus banaisey. Etu para gari aha juwa kora subidha ke behtar banabole contribute kuribo.
Add Comment