Imphal, December 01: Committee for Joint Naga Civil Societies Delhi (CJNCSD), Naga Students laga Union Delhi pora form kora pora Monday te olop Delhi based Naga civil societies logot mili kene United Naga Council (UNC) president Gaidon Kamei aru information aru publicity secretary S.K. Stephen ke charidibole demand korishe. Committee pora Centre ke bi Manipur te chamela hoi thaka te intervene koribole bi demand korishe.
Ekta mailed press release te, CJNCSD convener Lakpachui Siro aru secretary Chawangbo Chalunmai pora tai khan laga demand karone New Delhi te ekta democratic movement launch koribo koishe.
CJNCSD toh Naga Forum Delhi, Naga People Movement for Human Rights, Delhi Sector, Naga Lawyers’ Guild, Delhi, Naga Students’ Union Delhi, Forum for Understanding the Naga-India Conflict & Human Rights, Naga Scholars’ Association aru Naga People’s Union for Civil Liberties laga representatives mili kene ase.
Committee pora Teusday te minister of state for Home, Kiren Rijiju ke bi lok korishe. Tai khan pora issue te Government of India intervene koribole koi kene ekta two- point memorandum bi submit korishe. CJNCSD pora tai khan laga demand nadiya tak nana-kisem democratic movements koribole kosom korishe. Committee pora arubi koishe ke president Chuba Ozukhum pora lead kori kene Naga Hoho team pora eitu issue te New Delhi visit kora homoi tai khan laga support dibole assure korishe aru nana-kisem Naga civil societies laga leaders laga meeting te participate korishe.
UNC pora launch kora economic blockade te, committee pora clarify koridishe ke protest toh Nagala manuh laga indigenous land surakshit koribole karone thakishe.
Add Comment