French Open quarterfinals deh PV Sindhu kushise

Agencies, 26 October: India ace PV Sindhu toh Japan’s Sayaka Sato logode haraide kena quarterfinals deh kushise. Hoilebe B Sai Praneeth toh French Open BWF World Tour Super 750 tournament pora out hoise. Thursday din second round match time deh third seed Sindhu toh Sayaka logode 21-17 21-16 score pora jeta thakise. Tai next seventh seeded Chinese He Bingjiao logode khelibole ase. Hoilebe men’s singles match  deh Praneeth toh Indonesia laga khelari Asian Games champion Jonatan Christie logode 16-21 14-21 pora hara thakise. Men’s doubles pairs deh Satwiksairaj Rankireddy & Chirag Shetty aro Manu Attri & B Sumeeth Reddy toh jeti kena quarterfinals deh kushikena ase. Hoilebe Satwik aro Chirag ke toh China’s He Jiting aroTan Qiang laga haat pora hara thakise. Tai jun 21-13 21-19 score pora harise.  Tusara match deh Manu aro Sumeeth pora third seeded Chinese khelari Liu Cheng aro Zhang Nan logode 21-14 21-16 score pora jetise. Hoilebe Meghana Jakkampudi aro Poorvisha S Ram nemide ektum thek thaga nai. Tai jun fourth seeded Indonesian pair Greysia Polii aro Apriyani Rahayu logode 15-21 13-21 pora hara thakise.