Aizawl, January 15 : Mizoram-Assam border te post hoikina thaka duijun police ke ekta police check gate te dhomki dikina ekjun driver para poisa luwa nimitey susoend kuridisey.
Olop din ageyte issue huwa ekta order te, sarkar para Police Sub-Inspector C. Vanlalnghakmawia aro Assistant Sub-Inspector Mary Rosangpuii ke non-tribal truck driver khan para gairkanooni tarika para poisa luwa nimitey susend kuridisey. Taikhan duijun laga posting bi Mizoram-Assam border laga Vairengte police station te thakisey.
Taikhan laga alava, Vairengte police check gate laga officer-in-charge aro alag 6jun constable ke bi Vairengte police station para dusra jaga te transfer kuridisey.
Etu action luw atu home department para police khan ke kanoon para izazat diya laga bahar te poisa nolobole aro poisa kha laga kaam khan nukuribole instruction dikina ekta circular feila laga jawab te loisiley.
January 4 te issue huwa home department circular te kara warning dikina asey ki driver aro alag manu khan para gairkanooni tarika para poisa luwa laga mamla ke serious para lobo aro public kkhan ke enaka gairkanooni kaam te shamil thaka officer nohoilebi police laga jankari thakisey koiley khobor dibole request kurisey.
Suru te kora inquiry para janibole parisey ki etu duijun police officer para Jnauary 5 te Vairengte police check gate te non-tribal truck driver khan para poisa loi thakisey.
Etu mamla te aro investigation kuribole asey aro enaka kora te aro bisi police suspend hobo parey.
