January 16, 2024: Iran laka Revolutionary Guards para taikan Iraq laka semi-autonomous Kurdistan jaka deh Israel laka spy headquarters keh hamla kuri shae kui shae, state media para report kuri shae Monday din deh. Elite force para taikan Islamic State laka against Syria keh strike kuri shae kui shae. Israel-hamas war tho itia ekso din purana hui shae aro dunia deh sobse lamba aro destructive war ekta hui jai shae. October 7 piche deh Israel kan dama dam Gaza Strip deh airstrikes kan kuri ase.
Sunday din deh deh ekta Lebanon laka jaka para ekta-anti tank missile fire hui jah tho tuita civilian muri jai shae Israel deh. Enaka hui jah tho Israel-Hamas war taka time deh aro alak ekta jakara shuru hubo kui nah jinta tho olai jai shae.
Sheikh Mohammed bin Abdulrahman Al Thani, kun Qatar laka foreign minister ase, tai para jakar tho kotom kuri bole ekta two-state solution lakeh kui shae. Tai para Hamas laka October 7 hamla aro Israel laka jawab piche deh Gaza tho kita b kinaka taki shae, enaka wapas nahu bo kui shae. “Gaza itia tho nai heh nai. Mui kwa tho, tateh itia tho ek unai,” tai kui shae.
Add Comment