January 24, 2024: Union Government laga intention itu Free Movement Regime (FMR) ke abandon kuriboley aru Indo-Myanmar Border tey fencing construct kuriboley kuratoh divisive policy asey Naga manu khan aru Northeast tey ethnic groups khan ke disintegrate aru isolate kuriboley. Itu announcement kura homoitey, Rising People Party aru civil society organization khan Naga Students Federation (NSF), Global Naga Forum (GNF), Naga Hoho aru Naga Indigenous People’s Forum khan para itu proposed move karney opposed kurisasey. Itu issues nimetey pishe koikena asey aru Naga manu khan lagaa sentiments khan be expressed kurikena asey. Hoileybe pishe MLAs aru 2 MPs khan laga khan silence asey aru itu toh surprise nahoi. NPF Legislator Achumbemo Kikon aru Home Minister Y Patton ke charikena, alak elected MLAs aru MPs khan toh jubjob boikena itu FRM laga removal toh support kuriasey.
Ami khan dikhibo parey, Manipur laga 10 Naga MLAs aru 1 MP (Naga) khan express kuranai tai khan laga views itu issues tey.
Union Home Minister Amit Shah para Official Announcement Guwahati tey dishey January 20 tey, NDPP-BJP aru state government kon para be itu issue laga official announcement kuranai. Toh exactly para rukhiasey ami khan laga elected representatives khan ke, Naga Manu laga desire Central Government ke bongchaboley?
RPP para demand kuriasey sob Naga MLAs, MPs, aru UDA government tey major political parties khan ke itu FMR abolishment toh totally oppose kuriboley. Itu issue toh simple asey- sitting MLAs, MPs aru government aji Naga manu logo saath dileby na-dileybe, UDA coalition government toh pishe asey demonstrate kuriboley kintu itu toh party politics laga upor asey, aru itu toh Naga Manu karney khara kurey. Rising People Party khan silent naboibo aru continue kuribo oppose kuriboley kon Naga Manu khan ke alag kuriboley try kuribo.
Add Comment