NEW DELHI, OCTOBER 27 : 7 jun edia bi Parliamentarians nemite thaka aro 199 Legislators kan ami kan desh laga toh Permanent Account Number (PAN) laga Details de kena nai. Etubi ahebole laga elections nemite naam thalibole laga ke lagi thaka majutte koi kena, khobor pora khoborte Friday din janaise.
Etu khobor toh Association for Democratic Reforms (ADR) aro National Election Watch (NEW) kan pora 542 Lok Sabha Lawmakers aro 4,086 Legislators kan laga PAN Details toh sabole kurikena saidese. Etu time te etu 199 jun Legislators aro 7 jun Lok Sabha Lawmakers kan laga PAN te details kan dekena thaka nai koise.
Etu PAN laga details kan toh Returning Officers kan ke Candidates pora janaidebole lagi. Etubi Parliament aro State Legislative election manabole nemite naam thalidebole karne. Aro etu janaidiya aro dediya time te Affidavits logot te lekhe de kena janaidebole laga ase. Etubi naam thala laga kakus logot eke pora.
Etu PAN Details kan nade kena thaka MLAs kan toh 51 jun Congress Party pora ase. Etubi sobse besi wala. Etu bejete 42 jun BJP MLAs, 25 jun CPI-M MLAs kana se. State Wise hisabte Kerala pora besi ase. Etubi 33 jun. Etu bejete Mizoram pora 28 jun aro Madhya Pradesh pora 19 jun ase koi kena ADR khobor pora janaise. Aro Mizoram State Assembly te toh 40 MLAs ase. Etu kan majutte 28 jun PAN Details nadiya toh asurid aro ekta nahua (interesting) laga ase koi kena, khobor hisabte janaise.
Lawmakers kan laga toh 2 jun Odisha state pora ase. Etubi 2 ta bi BJD Party kan. Aro 2 jun AIADMK Party, Tamil Nadu State pora ase. Aro 1 ta-1 ta Assam pora, Mizoram pora aro Lakshadweep pora etu PAN Details nade kena. Etubi Congress, AIUDF aro NCP Party kan.
Add Comment