Agencies, 27 October: Friday din France Open laga deh Indian khelari khan toh jetibole napara thakise. Quarterfinals deh jetibole napara tinta khelari laga naam toh Saina Nehwal, Kidambi Srikanth aro PV Sindhu ase. Saina Nehwal toh Tai Tzu Ying logode hara thakise, Kidambi Srikanth toh Kento Momota logode hara thakise aro last deh PV Sindhu toh He Bingjiao logode hara thakise. Saina toh ektum phal pora suru howah thakise. Hoilebe tai last deh Tzu Ying logode napara thakise aro opening game deh harija thakise. Etu bechide second game debe tai match thaga nai aro asti pora 20-22, 11-21 score deh namija thakise. Suru game time deh Nehwal toh 16-9 aro 20-16 score pora agae deh thaga ase hoilebe tai contest deh jetibole napara thakise. Srikanth toh Momota logode ektum gathara mondangor hoi kena khela thakise. Hoilebe Japanese shuttler pora 21-16, 21-19 score deh jeti kowah thakise. Last deh World No 2 Sindhu be Bingjiao logode 15-9, 16-14 score pora hara thakise. Singles shutters deh hari kena thakise koilebe doubles pair deh jeti kena ase. Satwiksairaj Rankireddy aro Chirag Shetty toh Manu Attri aro B Sumeeth Reddy logode 21-17, 21-11 pora jeti kena semifinals deh kushise.
Add Comment