Gangtok, January 31 : Sikkim Limboo-Tamang Apex Committee (SILTAC) para Sikkim laga Chief Minister ke Sikkim Legislative Assembly te ST seat dibole nimitey appeal kurisey.
Etu request tu Limboo-Tamang community nimitey Scheduled Tribe (ST) seat bhak kuribole laga asey. Aro enaka kurikina taikhan para bisi lamba homoi para political representation nimitey constitutional demand kora ke address kora laga asey.
January 2 te submit kora memorandum para Sikkim Legislative Assembly te Article 332 laga under te Limboo aro Tamnag jati ke constitutional pehchan dibole laga highlight kurikina asey. Limboo – Tamang community ke 2003 te Scheduled Tribes (ST) status disiley. Hoilebi etu laga bawajut bi juwa 20 saal para taikhan para pabo lagiya laga representation tu napaikina asey.
Limboo-Tamang community para kanooni challenge jhelisey, 2006 te ekta writ petition file kurikina aro etu mamla ke 2016 te Supreme Court para khotom kuridisiley. Court para direction diya laga bawajut seat reservation laga demand tu pura nohoikina thakijaisey aro etu nimitey duita general election laga loss hoisey.
Limboo-Tamang jati para Pawan Kumar Chamling para chola poila laga sarkar para Sikkim Legislative Assembly te taikhan nimitey resolution pass kuribole mehnat kora tu koisey. 2016 te Supreme Court para Ministry of Home Affairs ke order diya para etu mamla kiman urgent thakisey etu dikhai asey.
