February 4, 2024: Central Chile deh hua forest fire para kom seh kom 46 manu keh tho murai di shae, President Gabirel Boric para kui shae Saturday din deh. Tai para death tool tho uthi bole chance bishi ase kui nah warning b di shae.
Valparaiso jaka laka asman deh kala dunga kan uthi taki shae. Valparaiso jaka tho 1 million nishi nah manu kan laka ghor ase central chile deh. Firefighters kan helicopters aro trucks kan jui nah b jui tho buja bole duk pai taki shae.
Vina del Mar laka coastal tourist city tho sobse bia para lakia laka jaka ase aro rescue teams kan sob affect hua jaka deh punchi bole duk pai ase, Chilean authorities para kui shae. President Boric para jui deh 40 manu nishi nah tho muri shae kui shae aro alak choita manu jula laka jokom oara muri jai shae hospital deh.
“Tragedy laka situation sai nah thom victim laka number uthi bole sure ase piche deh. Situation tho itia bishi dictar ase,” Boric para kui shae. Country pura deh 92 active fires taki shae kuto para 43,000 hectares laka mati tho affect kuri di shae, Interior minister Carolina Toha para kui shae tai 19 manu muri jai shae kwa thime deh.
Add Comment