Itanagar, February 05 : Arunachal Pradesh te ekta dangor rajneetik development huwa te, Lok Sabha election hobole ageyte BJP leader aro Tawang district laga general secretary Jampa Tsering tu BJP para resign kuri loisey.
District president ke diya ekta letter te, BJP leader Jampa Tsering para enaka koisey, “Ami tu District General Secretary, Bharatiya Janata Party (BJP), Tayang District laga post para resign kuri asey. Ami para etu biswas kuri asey ki BJP tu Tawang laga manu khan laga bhabna aro iccha khan janibole aro reflect kuribole naparikina asey.
Tawang District te BJP para laga sarkar tu kitya bi transparent(khula khuli kaam kora) thakanai aro taikhan laga bhabna kora hisap te khara kuribole nakamyab hoisey.
Lok Sabha election osor ahi thaka homoitey, sob laga suku tu etu bodli khan para kinaka kurikina election laga natija aro rajya laga future governance ke asar kuribo etu te hobole asey.
Etu majotey, Dondup Tashi, District General Secretary, ST Morcha, Tawang district, Tenzin Lobsang, Mandal President, BJYM, Tawang aro Dorjee Wangchuck, Mandal Vice President para bi taikhan laga resignation letter submit kurisey.
Add Comment