Agartala, February 05 : Ahibole thaka Lok Sabha Election nimitey tayari kurithaka homoitey ekta dangor kadam utha te, Tripura laga Chief Minister Prof. Dr. Manik Saha para Union Home Minister Amit Shah aro BJP National President JP Nadda logotey Monday din te New Delhi te jaruri discussion kurisey.
Northeast rajya Tripura para duita Lok Sabha seat dhurikina asey kuntu tu West aro East Tripura asey.
Tripura CM Manik Saha tu New Delhi te Sunday laga afternoon fale pungchikina Home Minister Shah aro BJP neta Nadda logotey bisi lamba baat-chit kurisey. Khas kurikina ahibole thaka Lok Sabha election ke loikina.
Manik Saha para Facebook te, Nadda logotey tailaga meeting kinaka chulisey etu share kurisey aro election nimitey confidence asey koikina janaisey. Tai para Facebook te enaka koisey, “Bharatiya Janata Party (BJP) laga Hon’ble National President, Shri J.P. Nadda Ji ke New Delhi laga New Parliament Building te lok kurikina khusi paisey. Amikhan para ahibole thaka Lok Sabha Election 2024 aro Tripura te kinaka chuli asey etu laga discussion kurisey. Tai para koisey, Tripura tu #ModiAgainIn2024 nimitey aro ekbar duita lotus logotey agey baribole committed asey.
Home Minister Amit Shah logotey baat-chit kora laga mamla te tai para enaka koisey, “New Delhi laga New Parliament Building te Hon;ble Union Minister of Home Affaurs & Cooperation, Shri Amit Shah Ji ke lok kurikina khusi paisey. Amikhan para Tripura laga development nimitey initiative luwa laga discussion kurisey aro ahibole thaka #LokSabhaElection2024 laga bi detail discussion kurisey.”
Add Comment