Guwahati, February 06 : Assam laga sarkar tu Rs 25,000 crore para bisi dhar bukhikina asey.
Etu jankari tu Assam laga finance minister Ajanta Neog para Tuesday(February 06) te disey.
Tai tu rajya(Assam) laga assembly house te Assam para dhar bukhikina thaka laga mamla te sawal kora laga jawab di thakisey.
Etu Assam minister para koisey ki 2016 para loikina Assam tu Rs 25,000 crore para bisi loan bukhi asey.
Hoilebi, tai para koisey ki Assam laga sarkar para terabole baki thaka sob loan tu 2025 tak te teraikina khotom kuridibo.
Assam government para wapas terabole thaka Rs 25,000 crore laga loan tu utu homoi laga asey jitya para Assam te BJP sarkar ahisey.
Reports hisap te, Assam te 2016 para BJP rule kora suru huwa picheyte para etya tak total loan terabole thaka tu Rs 1,09,071.22 crore asey. Etu tu Assam laga poila laga CM Sarbananda Sonowal aro etya laga CM Himanta Biswa Sarma laga under te asey.
Add Comment