Bengal, 10 Febraury : Rookie pacer Akash Deep para limelight luishey kitia India para last three Test matches karney taikhan laga squad janai dishey England laga khilaf. Five-khel series agey dey, BCCI para khali first two Tests karney squad janai dishey. Second khel khotom huina, board para pachina thakia matches karney naam janai dishey aro khiladi khan laga list dey notun naam hali dia toh Akash Deep asey. Itu toh ekta maiden Test call-up asey right-arm pacer karney, kun right-handed karney bhi bat kurey. Bowling all-rounder Akash, kun Bihar para asey huilewi Bengal karney domestic cricket khiley, alag pacer Avesh Khan ke India squad asey podli kurishey.
Akash Deep toh December 15, 1996 dey jonum huishey, Dehri, Bihar dey. Tai career laga shuruwat dey tai laga papa logot encouragement komti thakishey, huilewi tai laga supportive uncle para taike Bihar para Bengal podli kuriboley motut kurishey, kuntu para tai laga First-Class cricket journey shuru kurishey. Tai 29 First-Class matches khilishey aro 103 wickets luishey kitia 418 runs bhi score kurishey, 53 laga highest score not out logot.Itu bowling all-rounder toh Royal Challengers Banglalore karney Indian Premier League dey khiley. Itu franchise para taike 2022 dey Rs 20 lakh karney uthaishey. Side karney tai 7 matches khilishey, Akash para 6 wickets uthaishey.
Add Comment