New Delhi, February 15,2024: Congress laka Parliamentary Party chairperson Sonia Gandhi para Thursday dhe koishae ki tai etu aha Lok Sabha election dhe contest nakuribo tai laka health issue kurne.
Ekta emotional message dhe etu former congress laka chief para Rae Bareli laka constituency Uttar Pradesh laka voters ki inform kurishae koto tai 2004 dhe represent kurishae ki tai etu aha general election dhe contest nakuribo tai laka health aru age issues kurne.
“ Moi achi bishi proud para koi ase ki moi achi ki ase etu tui kan kurne ase aru moi hotai moi laka best kurishae tuikan laka trust ki honour kuriboli. Etiya para health aru age laka issue kurne moi Lok Sabha laka aha election dho contest nakuribo,” enika tai message kurishae.
“Etu decision biche dhe moi tuikan ki directly serve kuriboli neparibo hoilibhi moi laka mun aru soul dho tuikan lokot hotai takibo. Moi jani ki tuikan moi aru moi laak family hotai takibo future dhe kinika tuikan para past dhe taka nishina,” enika tai para koishae.
“Moikan laka family kan laka tie Rae Bareli lokot bishi deep ase. Lok Sabha laka first election koto Independence biche dhe loishae tuikan para moi laka father-in-law Feroze Gandhi ki jitibole deshae yade para aru tai ki Delhi dhe pataishae. Tai biche dhe tuikan para moi laka mother-in-law Indira Gandhi ki tuikan laka panaishae. Koto din para achi tak etu series dho continue hoi ase kiman bhi upor niche takilibhi moi kan laka faith tade taka dho bishi strong hoishae,” enika tai para koishae tai laka constituency laka manu kan ki ekta emotional message dhe.
Add Comment