Philadelphia, 19 February : Philadelphia laga ekta Russian businessman, Donald Trump lagq notun golden sneakers laga autographed pair jitishey, $9,000 (Rs 7,47,256) laga ekta bid halina, New York Post para report kurishey. Notably, itu former US President para tai laga sneaker brand launch kurishey kuntu laga naam ‘Trump Sneakers’ asey ‘Sneaker Con’ event dey Philadelphia dey Saturday.
Itu event dey, Roman Sharf, luxury watch dealer, Luxury Bazaar laga founder, aro CEO, Trump laga golden “Never Surrender high-tops” laga ekta autographed pair jitishey ekta winning bid halia piche dey.
Social media dey Videos khan ulaishey kutey Mr Sharf garv para itu golden sneakers dikhai thakia dikhi paishey alag bidders ke outbid kuria piche dey.
Mr Sharf, kun ekta Trump supporter asey, piche dey social media dey share kurishey ki tai itu juta toh tai laga bacha khan ke pass on kuriboley plan kuri asey.
Itu sneaker, kuntu laga piche dey ekta American flag detail feature kurey, $399 daam asey. Itu juta, kuntu khali 1000 pairs tak limit kurishey, reports hisab release huia tui gondha pitor dey khotom hui jaishey.
