Guwahati, February 23 : Congress MLA Kamalakhya Dey Purkayastha aro Basanta Das ke Friday din te resolution motion laga voting skip kora picheyte taikhan ke party laga leadership para showcause notice issue kurisey.
Assam Pradesh Congress Committee (APCC) general secretary (organization) Bipul Gogoi para ekta show cause notice issue kueisey aro etu duijun MLA para olop din ageyte media laga ageyte development laga mamla te state BJP government ke support kora laga opor te explanation mangisey.
Etu notice te enaka likhikina thakisey, “Hon;ble APCC President Sri Bhupen Kumar Borah para etu dikhisey ki apni para development laga mamla te media laga ageyte state BJP government ke apni khan laga support dikina statement disey. Aro public te, Assam laga CM Dr Himanta Biswa Sarma ke apni khan para publicly apni khan laga biswas aro imandari dikhaisey.”
Showcause notice te etu bi mention kurikina thakisey ki etu duijun MLA para bi APCC president Bhupen Borah ke explanation dibole lagobo nohoile taikhan laga khilaf te disciplinary action lobole asey.
Notice te enaka state kurikina thakisey, “ Apni khan laga bayan para party workers khan laga dimag te doubt bhoraidisey aro Congress party laga image ke barbad kuridisey. Etu ke nazar te rakhikina, Hon’ble APCC President para apni ke Show cause notice disey aro ekdin bhitor te apni khan ke apni khan laga kotha aro irada ke clarify kuribole koi asey. Ki kinimitey etu party para apni laga khilaf te disciplinary action nolobo lagey.”
Etu showcause notice tu etu duijun MLA para bi Friday din te opposition MLA Akhil Gogoi aro alag MLA khan para introduce kora ekta resolution motion laga voting skip kora picheyte disey. Aji laga assembly teHimanta Biswa Sarma para chola government tu olop karney jitisey kilemaney taikhan tu voting process te khali 9ta vote para jitisey. Kilemaney taikhan laga bisi bhak MLA tu assembly te mojud thakanai.
Add Comment