Gangtok, February 27 : Sikkim ke etya rule kuri thaka Sikkim Krantikari Morcha para opposition Sikkim Democratic Front (SDF) laga cadre ke hamla kurisey koikina iljam lagaikina, SKM para Election Commission ke Lok Sabha aro assembly polls ageyte rajya te central rule impose kuribole request kurisey.
Sikkim laga Assembly election tu April-May majotey Lok Sabha election logotey ekey logotey hobole asey.
Monday din te chief election commissioner ke patha ekta memorandum(kagos) te, SDF leader aro former chief minister Pawan Chamling para iljam lagaisey ki state government para support kurikina, SKM member khan tu SDF worker khan ke bisi biya para mari asey.
SDF worker khan ke election ageyte vote dibole thaka manu khan ke lok kuribole izazat diyanai koikina dawa kurikina, Chamling para election hobole ageyte tatey President’s rule impose kuribole demand kurisey. Taki sob party nimitey khel khela laga maidan tu ekey hobo.
Tai para poll panel ke rajya te kanoon laga palan kuribole nimitey State administration ke kara action lobole karney direct hudibole request kurisey.
Etu party para agey barikina rajya te central forces ke duty te rakhibole demand kurisey . Taki election tu azadi aro hosa hosi hobo paribo.
Add Comment