India, 27 Febraury : Outgoing Hockey India CEO Elena Norman para Tuesday dey kuishey ki HI dey kaam laga environment toh dukh thakishey aro tai alag eku upai thakianai itu karoney chari dishey. Itu position 13 saal karney dhurina, Norman resign kurishey aro juti HI para tai laga faisla laga karaan toh official statement dey janai dia nai, itu Australian para khota kuishey, kiley tai chari dishey. “Absolutely, tuita factions maju dey ladai deliver kuriboley dukh hui thakishey,” Norman para PTI ke ekta interview dey kuishey.
“Hockey India dey tuita factions asey. President Dilip Tirkey aro mui aro asey Secretary Bholanath Singh, Executive Director Cdr. R K Srivastava aro Treasurer Sekar J Manoharan,” tai kuishey.
Itu pura situation dey sobse gussa laga khota toh ki asey kuiley three mahina karney tai laga remuneration karney payment dianai.
“Mui laga dhankwa upar dey kunwa diktari thakishey aro bishi samjaina jaa haafta itu di dishey” Norman kuishey.
Tai laga resignation toh HI ke second blow asey jaa kunwa din dey, Indian mahila laga hockey team coach Janneke Schopman bhi resign kuria piche dey, kun para kaam environment laga complain kurishey.
Schopman para kuishey ki taike governing body para value aro appreciate kurianai.
Norman, kun 2007 dey india dey ekta sports marketing firm karney kaam kuriboley ahishey, 2011 dey federation laga agey CEO kurina appoint nakuria agey dey, kuishey ki tai HI board ke tai laga karaan samjaishey aro itia ekta break karney sai asey.
