India, 2 March : Jaa ek haafta para luina, ekta khobor kuntu para bishi awaaz panaishey, itu toh Ishan Kishan aro Shreyas Iyer ke BCCI laga latest annual contract list para hadai dia thakisheh. Itu tuita stars toh jaa ek saal dey BCCI scheme laga cheez dey thakishey. Taikhan important events laga ekta part thakishey aro olob agey tak deg Indian cricket team dey khilishey. Ishan Kishan toh South Africa dey tour kuria squad laga part thakishey tai break nalua agey dey, kitia Iyer toh agey tuita Tests laga part thakishey England laga khilaf taike nacharia agey dey.
Itu duo domestic cricket kuriboley maana kuria toh taikhan ke hatai dia laga karaan nishna sai asey. Kishan break deh jaa piche dey Hardik Pandya logot train kurisheh huilewi tai laga state team Jharkhand karney Ranji Trophy matches khilianai. Shreyas Iyer tai laga state team Mumbai karneg ekta Ranji Trophy game miss kurishey aro tai unfit thakia kuishey. Huilewi, Indian express dey ekta report hisab dey, tai laga upar dey itu NCA report toh contradictory thakishey.
Bishi reports para claim kurishey ki Iyer ekta Kolkata Knight Riders pre-IPL camp attend kurishey tai laga time dey. Iyer toh KKR laga skipper asey. Revsportz dey ekta report hisab dey, BCCI chief selector Ajit Agarkar toh tai itu development jania piche dey gussaa thakisheh ki Iyer toh ekta IPL camp attend kuri thakisheh juti tai gomor problem laga complain kuri thakishey. Itu toh BCCI selectors khan thakisheh kun para itu final contract list laga recommend kurishey.
Iyer toh Mumbai laga scheme of things dey key thakibo, bishi pak Tamil Nadu laga quality spin bowling khilaf, kuntu itu season taikhan laga ekta key hatiyar asey.
