Guwahati, March 3 : Assam laga Chief Minister Himanta Biswa Sarma para Sunday din te koisey ki 2023 tu anti-drugs operation nimitey ekta sobsey bisi successful saal asey.
Etu Chief Minister para koisey etu homoitey Rs 718 crore laga drugs seize kurisey aro 4,700 maan arrest kurisey.
Himanta Biswa Sarma para X te likhisey, “Modi government para ekta #DrugsFreeBharat banabole nimitey ekta whole-of-government approach deploy kuri asey.”
Tai para koisey, “2023 te, Assam Police para Rs 718 crore laga drugs seize kurisey aro 4,700 drug trafficker ke arrest kurisey aro etu ke rajya te anti-drugs operation nimitey sobsey bisi successful year banaisey.” Sarma para central government para drugs laga war kora te biis alag alag kadam utha laga bi ekta video share kurisey.
Etu homoitey, duijun manu arrest hoisey aro Guwahati te, taikhan laga possession para 500 gram heroin recover kurisey.
Etu operation tu state police laga special task force para kurisey.
Sarma para koisey ki Special Task Force para Guwahati te bisi kheda picheyte duijun manu ke arrest kurisey.
Etu opor te, CM para koisey, “Taikhan laga campus te talashi aro seizure kurisey aro herion laga 34 soap box thakisey kuntu laga wajan tu 500 gram thakisey.
