March 3, 2024: Saturday din deh Alex De Minaur para Casper Ruud keh 6-4,6-4 score deh harai nah back-to-back titles jiti bole first player hui jai shae Mexican Open deh. Third-seeded De Minaur taola eight ATP title jiti nah Mexico deh fourth player hui shae champion aro hobo leh. First tho David Ferrer taki shae 2010-12 deh.
25 sal laka Australian, taila 10 consecutive matches Acapulco deh jiti shae aro jiti nah ATP finals deh taila four-match losing streak bangai di shae ATP. “Acapulco tho second ghor nihi nah hui ase. Jua sal ki hui shaem etu hua piche deh bhal kita b nahubo kui nah papna taki shae, hoile b mui ek sal piche deh wapas ahi shae title tho defend kuri bole. Ekdum bhal taki shae,” De Minaur para kui shae.
Mexican Open tho cancel hobo leh heh taki shae ekta category five hurricane city deh laka karne. Etu hurricane para 52 manu keh murai di shae.
“Etu wonderful city deh mukan, tennis player kan kushi nai bole mun jai taki shae aro mui sur ase, Acapluco tho aro kara para shine kuri bo kui nah,” Australian para kui shae.
