Imphal, March 05 : Manipur Chief Minister N Biren Singh para Tuesday(March 05) te, state assembly te ekta update disey, kuntu te reveal kurisey ki juwa saal laga May 3 te Manipur te Kuki aro Meitei majotey jati laga larayi chuli thaka homoitey 28 manu tu missing list te thakisey.
Government reports hisap te, 63 maan missing case document hoisey.
Manipur CM N Biren Singh para etu khulasa tu opposition Congress MLA Surjakumar Okram para assembly te tailaga opor te utha ekta sawal laga jawab dithaka homoitey kurisey.
CM para koisey ki 63 missing case majotey, 26 manu ke murikina thaka paisey aro 9jun ke zinda paisey.
Hoilebi, central aro state security forces para Manipur laga bhitor area khan te baki 28 manu ke bisaribole mehnat kora laga bawajut bi taikhan laga eku patta napaikina asey.
Aro ekta sawal ke jawab dikina, Manipur CM, kun para home portfolio bi samhaley tai para koisey ki etu larayi jhagra chuli thaka homoitey pura puri 1555 manu jokhom khaisey.
Etu te, rajya laga 1429 manu, 98 police personnel, aro 28 central forces members shamil thakisey.
Etu situation laga gravity ke acknowledge kurikina, Manipur laga Chief Minister para bharosa dilaisey ki murija manu laga parivar khan ke aro etu gondogol te jokhom kha manu khan ke thik thak compensation disey.
