Agartala, March 5 : Government employee aro pension kha manu khan laga financial halat ke behtar banabole nimitey, Tripura Chief Minister Manik Saha para Tuesday din te, 5% Dearness Allowance(DA) declare kurisey kuntu tu Jnauary 1, 2024 para effective hobole asey.
Etu tu CM Manik Saha laga leadership under te, enaka announcement kora third bar asey.
Third din te (Tuesday te) Tripura Legislative Assembly ke bhasan diya homoitey, Chief Minister Saha para sarkar para taikhan laga workforce ke support kuribole laga commitment ke highlight kurisey, COVID-19 pandemic nisna mushkil homoitey bi.
Tai para samjhaisey ki kunba sarkar khan tu salary ke rokhaikina rakhibole majboor hoisey hoilebi tailaga administration tu agey barikina employee aro pension kha manu khan laga poisa laga bojh ke komabole nimitey Dearness Allowance barabole announce kurisey.
Dr Saha para koisey, “Bisi khusi paikina, ami para sarkari employee aro pension kha manu nimitey 5% DA announce kuri asey. Aro enaka kurikina taikha laga bhalayi nimitey amikhan laga dedication dikhai asey. Etu faisla te sarkar laga taraf para extra Rs 500 crore khorcha hobole asey.
