Guwahati, March 5 : Assam laga Chief Minister Himanta Biswa Sarma para aji kali te state assembly te ekta bayan diya laga jawab te All India United Democratic Front (AIUDF) chief Badruddin Ajmal para tailaga khilaf te kanooni action lobole laga tailaga irada janaisey. Tai para iljam lagaisey ki CM Himanta para misa misi khobor aro dhormic insensitivity feilaisey.
Assembly house te ekta session chuli thaka homoitey, CM Sarma para jor dikina koisey ki Muslim chukri khan ke 6 to 7 years laga najuk umar te shaddi kuridiye. Etu AIUDF neta para Sarma laga bayan tu misamisi asey koikina condemn kurikina enaka claim khan ke support kuribole nimitey pakka saboot demand kurisey.
Ajmal para March 5 te Himanta Sarma para public ke misa misi kotha koikina gumrah kora laga iljam te tailaga khilaf te ekta case file kuribo koisey.
Etu opor te, Ajmal tu ek kadam agey barikina Sarma ke tailaga etu bayan nimitey proof dibole challenge kurikina ekta kadam agey barisey. Ajmal para koisey, “ Judi Himanta Biswa Sarma para tailaga bayan laga sabut aro evidence dibole parisey koiley ami tu amilaga rajneetik career para resign kurilobo.”
