Guwahati, March 5 : North-Eastern Hill University (NEHU) tu National Science Day Celebration 2024 aro Anveshan 2023 Program te taikhan laga student para ekdam bhal kamyabi hasil kora ke celebrate kuri asey.
NEHU laga ekjun MSc student, Nituparna Das para State Council of Science Technology & Environment (SCSTE) para organize kora National Science Day Celebration te research poster presentation category te 1st prize paisey.
Das para judges khan ke “Self Chargeable Hydrogen Based Solid-State Cell” te tailaga ekdam nutun aro alag research logotey impress kurisey.” Kuntu para taikey ekta certificate aro Rs 3000 cash prize para somman dilaisey.
MSc student Pranjal Sharma aro Nituparna Das duijun bi NEHU laga Department of Physics para Dr. Satya Prakash Pati laga supervision under te Anveshan 2023 Program laga Eastern Zone Contest te 1st position paisey.
Taikhan laga project laga title tu “Development of Low Power Consumption Artificial Neuromorphic Devices by Using Proton as a Neurotransmitter” thakisey kuntu tu interdisciplinary research category te sobsey nest olaisey.
Etu kamyabi hasil kora para taikhan ke March 10 te University of Mumbai te hobole thaka international level competition te NEHU ke represent kuribole laga moka di asey.
