Rankumar Ramanathan aro Sasi Kumar Mukund jetise

Agencies, 30 October: Shenzhen, China jaga deh Sasi Kumar Mukund toh Chinese khelari Yibing Wu logode jeta thakise. Hoilebe Prajnesh Gunneswaran toh ATP Challenger tournament laga first-round deh hara thakise. 21-sal Sasi toh main draw deh qualified hobole parise aro Pro circuit deh ektum phal pora bona thakise. Tai pora WU logode 7-6 (4) 6-2 score pora jeta thakise aro tai jun laga khel toh ek-khonda aro 20 minutes deh kothom howah thakise. Tai Monday deh jeta bechide USD 75,000 hardcourt even laga second round deh kushibole pari kena ase. Jowah sal Wu pora junior US Open jeta thakise aro tai Grand Slam jeta bechide junior world number one howah thakise. Sasi toh next Canadian eighth seed Filip Peliwo logode khelibole ase. Jaija tui hapta time deh kathara tennis khela Fourth seed Prajnesh toh Spain laga khelari Alejandro Davidovick Fokina logode 3-6, 4-6 pora hara thakise. Third seed Ramkumar Ramanathan toh Sumit Nagal logode 3-6, 6-4, 7-6(2) score pora opening round jeta thakise. Ramkumar toh next Egypt’s Mohamed Safwat logode khelibole ase. Saketh Myneni nemide ektum beya din thakise. Tai Frenchman Johan Tatlot logode first-round hari kena ase. Doubles event deh, Arjun Kadhe aro tai laga Thai partner Sanchai Ratiwatana toh Mikhail Elgin aro Yaraslav Shyla logode 6-3 6-4 score pora jetise. Tai jun etya quarterfinals kushikena ase.