March 8, 2024: Friday din deh ekta Indian Army laka junior Commissioned Officer (JCO) keh taila ghor para abduct kuri shae. Taila ghor tho Manipur laka Thoubal district deh ase, PTI para officials keh cite kuri nah report kuri shae.
JCO, kun Konsam Kheda Singh ase kui nah identify kuri shae, tai tho leave deh taki shae. Aro tai leave deh taka time deh, kun bah manu kan taila Charanpat Mamng Leikai bosti deh taka ghor deh joborjost gusi shae aro taikeh gari deh lui jai shae.
Officials para abduction laka case tho jani nah natakeh leh b, initial reports para case tho extortion l;aka taki bo pareh dikai ase. Kile koile puila deh b Singh laka kandan kan enaka nishi nah damki pai nah taki shae.
Ekta coordinated search operation launch hui nah ase sob security agencies para JCO keh baja bole karne, PTI laka isap deh. Sob gari kan kun national Highway 102 deh polai ase, taikan keh pura check kuri ase.
Manipur laka conflict shuru hua piche deh, etu nishi naha incident tho itia 4th times hui ase kute hsoldiers kan leave deh taka time deh target kuri ase.
Add Comment