India, 9 March : Indian athlete Devendra Jhajharia ke Paralympic Committee of India (PCI) laga notun president nishna Thursday dey elect kurishey. Itu 42-saal javelin thrower, kun Paralympics dey three medals paishey, tuita golds aro ekta silver milaina, organisation laga top post dey elect kurishey aro Deepa Malik laga haat para itu post luishey, ekta Paralympics silver medalist athlete. Sports Ministry para itu saal February dey PCI laga government recognition ke suspend kurishey “PCI laga executive committee laga term expiry piche dey election luwoley deri kuria karoney” aro itu guidelines logot non-compliance.
Sports Ministry para kuishey ki March 28 dey election luwoley PCI laga faisla decision toh “willful, intentional, aro eku valid karaan nathakina asey.”
Itu suspension huina, PCI para janai dishey ki itu elections toh March 9 dey New Delhi dey luwo.
Jaa Tuesday dey Sports Ministry para Paralympic Committee of India (PCI) laga suspension ke immediate effect logot revoke kurishey.
Taikhan laga faisla upar dey karaan convey kurina, Sports Ministry para Paralympic Committee of India ke ekta chiti dey kuishey ki suspension karney main ground toh address kuri asey aro PCI para itu maahina 2024 World Shooting Para Sport World Cup host kuribo.
