Agartala, March 14 : Tripura Chief Minister Manik Saha para Thursday(March 14) te rajya te HIV/AIDS case barithaka laga mamla te dangor chinta jataisey. Hodai moina, 150 para loikina 200 manu etu bimar para infect hoikina asey.
Tai para, intravenous drug use laga mojudgi barithaka laga bi kotha koisey, khas kurikina student aro youth khan majotey.
Rabindra Satabarshiki Bhavan te huwa HIV/AIDS laga sensitization program te kotha kurikina, Saha, kun Tripura health and family welfare department ke oversee korey tai para reveal kurisey ki January tak te, Tripura te pura puri 5330 manu tu HIV/AIDS paikina asey, kuntu te 1033 maiki aro 558 students asey.
Tripura AIDS Control Society para state health department laga under te organize kora tu ekdin lamba program te college principal, headmaster, teacher, guardian, student aro health official khan participate kora dikhisey.
Etu mamla ke address kora te, teaching community laga critical role ke samjhaikina, etu Tripura Chief Minister para HIV/AIDS laga jhamila ke monitor kuribole aro bhal para larayi kuribole laga jarurat janaisey.
Tai para koisey ki Northeast rajya te Manipur tu 1970 para intravenous drug chola laga forefront te poila jamana para asey. Aro ekta “Nasha Mukt” India hasil kuribole nimitey milikina kosis kuribole koisey.
Saha para south Tripura laga Belonia jaga para ekta tikha anecdote share kurisey, kun ekta bhal student aro athlete huwa laga bawajut bi 5 saal struggle kora picheyte etu ke overcome kuribole ageyte drug addiction te girijaisey.
Community laga participation ke encourage kurikina, Saha para club, social organization aro group khan ke youth khan majotey jagrookta jatabole aro drug abuse aro dusra dosh laga khatra laga kotha korey.
Tai tu poisa laga kami thaka aro ignorance nimitey disposable syringe laga galat istamal kora tu highlight kurisey. Aro etu tu HIV/AIDS feilija laga ekta dangor contributor nisna asey.
Etu Tripura Chief Minister para 8ta district te addiction logotey larayi kurithaka youth khan ke support aro guidance dibole nimitey 8ta drug de-addiction centre banabole laga sarkar laga plan disclose kurisey.
Tai para rajya te drug trafficking laga mamla ke dur kuribole nimitey security forces, government agency aro NGO majotey milikina mehnat kora laga jarurat janaisey.
Last te, Saha para ama baba aro guardian majotey taikhan laga baccha ke drugs dhanda laga sikar hobole para bachabole nimitey satark hoikina thakibole request kurisey. Aro milikina action luwa aro community shamil thakikina ekta drug-free Tripura banabole laga sarkar laga commitment ke re-affirm kurisey.
