Aizawl, March 17 : Ekjun senior official para Saturday din te Aizawl te koisey, Mizoram te ekta Lok Sabha seat nimitey polling tu April 19 te hobo.
State Chief Electoral Officer (CEO) Madhup Vyas para koisey ki Election Commission para Saturday din te announce kurisey ki desh te 543 Lok Sabha seat nimitey voting tu 7ta phase te hobo aro Mizoram tu April 19 te first phase te taikhan laga single seat vote kuribole asey.
Vote laga ginti tu June 4 te hobole asey.
Nomination file kora laga akhri tarik tu March 27 asey. Aro candidature withdraw kora laga akhri tarik tu March 30 te fix kurisey.
Nomination paper laga jaanch kora tu March 28 te hobole asey.
Vyas para koisey ki 8.6 lakh para bisi vote dibole kabil thaka manu, including 4.41 lakh maiki voter khan para rajya te hobole thaka Lok Sabha election te taikhan laga vote dibole laga haak cholabo.
8.6 lakh voter majotey, tatey 36,214 jawan voter (18-19 years), 4,758 senior citizen (85+ age), 3,399 Person with Disabilities (PwD) voters aro 4,980 service voter asey.
Etu CEO laga hisap te, rajya te tatey 1,276 polling station asey.
Tai para koisey ki Central Armed Police Forces (CAPF) laga 15 company aro 3,000 state police personnel ke ahibole thaka Lok Sabha poll chuli thaka homoitey rajya te duty te dhalidibo.
Etu CEO para bhal para cooperate kuribole, nazdeek para collaboration kuribole aro sob stakeholder nimitey partnership kuribole, khas kurikina media community nimitey, electoral process te aro ekta smooth, free, fair, peaceful, inclusive, participative aro festive Lok Sabha election dibole nimitey collective synergy employ kuribole strive kuri asey.
