Imphal, March 17 : Gondogol huwa rajya, Manipur te election process laga integrity ke banaikina rakhibole nimitey, Chief Electoral Officer, Pradip Kumar Jha para koisey ki ahibole thaka Lok Sabha election nimitey rajya laga khatarnak area te paramilitary forces laga komsikom 200 company ke duty te dhalibole asey.
April 19 aro 26 te, duita phase te conduct kuribole thaka homoitey, etu faisla lagag maksat tu rajya te gondogol chuli thaka majotey free aro fair election kora laga principle(nyom) ke manikina chulibole laga asey.
Tai para koisey ki paramilitary forces laga bisi company ke Manipur te patha tu etu rajya lag akanoon aro beybosta situation laga bhal para assessment kora picheyte hoisey. Kuntu tu District Magistrate aro Superintendent of Police logotey collaboration kora picheyte conduct kurisey.
Paramilitary forces kafi thaka laga mamla te inquiry kora ke jawab dikina, CEO para ekta jawab disey kuntu te etu indicate kuri asey ki license bunduk dhurikina thaka manu khan ke local police station te taikhan laga bunduk aro barud khan surrender kuribole instruction disey.
District administration para notification issue kora tu highlight kurikina, Jha para hathyar khan laga gairkanooni transportation ke komabole nimitey police aro paramilitary personnel ke duty te dhalibole lagey koisey.
Report para etu bi suggest kurisey ki Manipur laga alag alag security agency para top official khan ke ekta security review meeting picheyte barikina thaka savdhani ke maintain kuribole instruction disey.
