Guwahati, March 20 : Lok Sabha election ahibole ageyte, opposition party khan para Assam Chief Minister Himanta Biswa Sarma aro tailaga government opor te tikha hamla kurisey. Aro ekta lamba 40-page charge-sheet unveil kurisey kuntu te Sarma laga administration logotey jurikina thaka alag alag mamla outline kurisey.
Etu ‘Charge-sheet te poisa kha para loikina manu-hathi lag ajhamila, daam utha, syndicate, scam. Illegal immigration, rampant toll tax aro bisi critical mamla khan address kuribole nakamyab huwa shamil thakisey.
Etu sob iljam khan para etya laga BJP sarkar para rajya ke cholabole nakamyab huwa aro effective nathaka nyom implement kora laga ekta picture paint kuri asey.
Opposition para Assam CM Himanta Biswa Sarma khilaf te iljam laga tu etu khan asey :
- Zameen laga scam kuntu te Assam Chief Minister laga parivar shamil asey.
- Chief Minister laga maiki para Rs 10 crore central subsidy pa laga iljam
- Chief Minister laga maiki para kiniya mati laga acquisition ke loikina.
- Tribal aro indigeneous community khan para matti chinikina luwa.
- Manu-hathi laga jhamila ke thik kuribole nakamyab huwa.
- Bisi alag alag scam aro syndicate, kuntu te toll gate, cattle smuggle kora aro koila khunda shamila sey.
- Subansiri nudi sukhi ja nisna environment laga problem.
- China jana manu ke opportunity diya aro media house ke control kora laga iljam.
- Assam Accord aro infrastructure(building, rasta khan) bana project te jaruri initiative aro kosom implement kuribole nakamyab huwa
- Rajya laga manu khan opor te poisa lenden laga burden dhala
- Nijor laga faida nimitey public fund laga galat istamal kora, including helicopter laga sawari aro dangor resort khan.
- Vote kinikina aro kunba contractor khan ke favouritism dikhaikina election laga process ke olta polta kora.
Bisi bhal iljam tu verify nohoilebi dispute nohoikina thaki asey.Hoilebi opposition para dawa kurisey ki Assam Chief Minister aro tailaga administration para Assam laga manu khan laga bhalayi opor te nijor laga personal interest ke prioritize kurisey.
Taikhan para government bhitor tr corruption(poisa kha), mati chiniya aro thik nathaka kaam kora laga iljam lagaisey.
Etu opor te, opposition para etya laga administration under te, democratic value aro human rights laga chinta bi janaisey. Aro sarkar kea am manu laga jarurat aro haak nidiya laga iljam lagaisey.
Taikhan para jor dikina koisey ki Prime Minister Narendra Modi aro Assam Chief Minister Himanta Biswa Sarma para democracy laga principle ke dhurikina rakhibole fail hoisey aro nijor laga pet palibole nimitey jaruri thaka resource khan ke cholaidisey.
