Guwahati, March 20 : Assam laga Dhubri district te, India laga duijun top-rank te thaka ISIS leader ke STF team para dhurisey. Taikhan tu osor laga ekta desh te lukai thakisey.
Partha Sarathi Mahanta, IPS, IGP (STF), Kalyan Kumar Pathak, APS, Addl SP, STF para lead kora team ke kotba para etu duijun ISIS leader para border par kurikina gusibole plan kora laga jankari pa picheyte taikhan ke duty te dhalidisey.
Etu duijun mujrim ke March 20 laga phujur te, international border par kora picheyte, Dhubri laga Dharmasala area te dhurisiley.
Etu arrest huwa manu khan tu India laga ISIS laga head, Haris Farooqi aro tai laga sathi Anurag Singh asey. Taikhan ke NIA para lagi asey.
Police para kuwa hisap te, 20/03/2024 laga 4.15 am fake, etu mujrim khan international border par kora picheyte taikhan ke Dhubri district laga Dharmasala area te dhurisiley. Taikhan duijun ke bi dhurikina Guwahati laga STF office te anisey. Etu duijun mujrim laga pehchan bi janijaisey aro etu janibole parisey ki mujrim Haris Farooqi (Harish Ajmal Farukhi) tu ISIS India laga head asey. Tai tu Dehradun laga Chakrata jaga para asey. Tailaga sathi Anurag Singh (Rehan) tu Panipat laga Diwana jaga para asey aro tai tu Hindu para Islam te convert kurikina thakisey. Tailaga maiki tu Bangladeshi asey. Taikhan duijun bi India te ISIS laga ekta dangor leader asey.
