DELHI, NOVEMBER 1 : Besi jun manu North Eastern Indian kan alak-alak jaka Delhi laga kobi Gurgaon aro Noida jaka aro tusera Cities jaka te pora thurise. Etubi Manipur, Mizoram, Assam, Sikkim, Nagaland aro Arunachal Pradesh laga pora.
Babuna hisabte bapa-amma kan tai kan neju laga moda bacha aro maiki bacha kan toh bhal kam (legal work) te kam kurikena poisa besi gaamai ase bari koi kena babuna kuri thakibo. Huilebi etu toh mesa ase. Ulta etu jawan kan nahua kam kurikena manu ke chukai ase aro poisa toh chukai kena gaamai ase koise.
Besi jun manu kan etu Call Center Company te kam kura kan toh chukai kena gaama laga ase. Aro etu nahua chamala nemite etu jawan kan ke 10th nahuile 20th Sal nemite jail te thalibole saja de ase. Etubi tai kan kun customer laga haat pora poisa chukai kena khai ase etu wabas nakura dak hisabte.
Edia toh etu nahua chamala nemite FBI, CBI kan duniya laga Special Cyber Crime Branch & Local Police logot melekena kotha hutha-huthe kurikena sai ase. Etubi khali Call Center ekela karne nahui kena tusera nahua kam kan nemite. Etu karne Bapa-amma kan neju moda bacha aro maiki bacha tusera dangor-dangor jaka (Metroplolitan Cities) te nabata ahkete husir kuribi koi kena, khobor hisabte pora janaise.
Add Comment