March 22, 2024 : Peren District Nodal Officer Training Management, 18th Lok Sabha election 2024 nimitey, first round laga training loishey, Presiding Officer khan Mota aru Maiki khan laga aru 3rd polling officer khan mota aru maiki khan laga aru last polling officer khan- mani khan nimitey, kuntu toh hoiley 26th March 2024 tey schedule kurishey Town Hall tey aru PTWWO Hall tey para. Aru 27th March 2024 tey toh hoiley 2nd polling officer khan- mota aru maiki khan aru 3rd polling officer khan maiki aru mota duita nimitey bhi, itu same hall tey para loboley asey.
Itu taining toh hoiley expert trainer – Albert, Andrew, Petekhrie-o, Heiramchube, Dr. Hulin. Machihei. Igong. Lemtsaliba & Zekope para impart kuriboley asey. Itu training tey toh hoiley duty khan aru responsibility khan opor tey focus kuriboley asey, polling personnel, postal Ballot, aru election duty certificate (EDC) laga aru EVM & VVPAT laga Demonstration toh hoiley loboley asey, haath para chulai kena, section opor tey. Itu bhi inform kurishey ki, itu training laga homoi tey, itu trainee khan ke tai khan duita- duita passport size laga phot toh aniboley koishey, notun khicha laga, tai khan laga naam aru designation khan bha para likhi kena aru submit kuriboley koishey.
Add Comment