March 24, 2024: Ekta Moscow concert hall deh unidentified gunmen para goli mari nah 133 manu keh murai di shae aro ekso laka upor manu keh jokom kuri di shae. Russian President Vladimir Putin para Russian authorities kan para chartha suspects keh arrest kuri shae kui shae, kun kan Ukraine deh polai taki shae kui shae.
Terrorist group Islamic State laka Afghanistan-based affiliate para Crocus City Hall deh assault hua karne responsibility lui shae. Hoile b Putin para taila speech deh ISIS laka kotha kura nai. Ukraine, kun Russia laka doshman ase itia, taikan para hamla deh eku kuri bole taka nai kui shae. US National Security Council spokeswoman Adrienna Watson para Ukrainian kan para eku kura nai kui shae hamla deh aro ISIS kan para hamla karne responsibility lui shae kui shae.
Vladimir Putin para total 11 manu keh detain kuri shae. Russian news agency para gunmen kan tho Tajikistan laka citizen kana se kui shae. Tajikistan tho ekta former Soviet republic ase Central Asia deh. Ukraine President Volodymyr Zelensky para Russian kan tho nijor laka manu kan keh expendables nishi nah chui ase kui shae. Aro botnam tho Ukraine keh dia ase kui shae.
ISIS para ekta statement deh, hamla tho chartha manu para kuri shae kui shae automatic rifles, pistol, jaku aro firebombs kan chui nah. Russian media para security forces kan chartha manu keh interrogate kura dikai shae.
Add Comment